OBRADOIRO DE RADIO NA BIBLIO

O día 4 de decembro xa vos comentaramos que o noso centro fora seleccionado para desenvolver o programa RADIO NA BIBLIO.
O obxectivo deste recurso é favorecer a ALFABETIZACIÓN MÚLTIPLE, un concepto que amplia e actualiza o termo da lectura tal e como se entendía ata o momento.
A Alfabetización Múltiple defínese como a "comprensión, utilización e avaliación crítica de diferentes formas de información incluídos os textos e imaxes, escritos, impresos ou en versión electrónica para adquirir as competencias clave, competencia dixital e as competencias para a vida.

A biblioteca como centro de recursos transfórmase nun "laboratorio creativo de aprendizaxes". A posta en marcha dunha emisora de radio proporciona múltiples oportunidades para o desenvolvemento de competencias clave a través de tarefas complexas que involucran certas habilidades e destrezas, permitindo o tratamento de contidos curriculares mediante metodoloxías activas.

Entendemos a radio como unha ferramenta moi versatil tal e como demostrou o obradoiro de radio, impartido por Damián e Xerardo ,membros de PONTE NAS ONDAS, ao alumnado de 5º de Educación Primaria.


ENLACES

PONTE NAS ONDAS

ESCOLA NAS ONDAS

CALENDARIO 2019-2020

Ao longo do primeiro trimestre, e dentro do programa de actividades relacionadas co PDI Coñecendo Viveiro, no que estamos a traballar este curso, visitamos diferentes lugares de interese do concello, centrándonos na parte paisaxistica e elaboramos este calendario. Participaron todos os nenos e nenas do centro.
 Cada familia foi agasallada cun exemplar o último día lectivo antes de Nadal.

Esperamos que vos guste!

ADOPTAMOS UN LIBRO

O Equipo da Biblioteca, co obxectivo de darlle unha nova vida aos libros que expurgaron por falta de espazo, puxo en marcha a campaña "Adoptamos un libro".
Todos os alumnos/as participaron na mesma escollendo un libro para levar,xunto cun marcapáxinas de agasallo, e disfrutar da lectura .

ADOPTA O TEU LIBRO E FAI QUE A SÚA HISTORIA SIGA VIVA

adoptamos un libro