MERCADILLO SOLIDARIO - BANCO DE ALIMENTOS

      Os alumnos/as de 6º de primaria foron de visita ao MERCADILLO SOLIDARIO na Residencia de Maiores DOMUSVI.

      Xa fai varios anos que o colexio colabora con esta entidade. Os nenos e nenas do centro realizan diferentes traballos de plástica que logo venden no mercadillo para recaudar fondos para a CRUZ VERMELLA.

      Tamén colaboran outros centros e asociacións da zona e pode ser visitado polo público en xeral.

      Os traballos do colexio foron moi variados e creativos.

O APALPADOR

  Na derradeira semana antes das vacacións de Nadal, tivemos a visita de residentes de DOMUSVI que viñeron contarnos  e dramatizar o libro ANTÓN E O APALPADOR. 

  Os nenos e nenas estiveron moi atentos á historia. Ao rematar,  saudaron aos maiores,que estaban encantados.

PRESENTACION SEMANA STEM

       O alumnado de 5º de primaria, que participou na SEMANA STEM, realizou na biblioteca do centro, unha presentación das actividades que levaron a cabo durante a súa estancia nos Peares.Faláronnos de catro obradoiros:

       -PEGADA ECOLÓXICA

       -MICRO-BITS

       -ROBÓTICA

       -MAKEYMAKEY

      Os seus compañeiros de primaria seguiron con moito interese as súas explicacións . Ademais realizaron un experimento en directo comparando a contaminación das fábricas  coa contaminación dos seres vivos. 

DÍA CONTRA A VIOLENCIA DE XÉNERO

pintamos as uñas de cores from bibliocovas on Vimeo.

       Despois de ler e traballar nas aulas co libro   "Que vivan las uñas de colores" de Luis Amavisca e Alicia Acosta, todo o alumnado e profesorado pintamos as uñas de cores . 

     Con esta actividade queremos concienciar aos nenos e nenas da aceptación dos outros, a diversidade de gustos, eliminar os estereotipios de xénero, a libertade, tomar conciencia da propia identidade e a diferencia.

O PAÍS DOS MANDÓNS ( Teatro Ghazafelhos)

     O País dos Mandóns foi a obra escollida polas ANPAS dos colexios de Celeiro, Landro e Covas para seguir afondando no tema da igualdade.

      Fomos todos o cole e pasámolo xenial.

MARES DE CULTURA

“MARES DE CULTURA OS NENOS E O MAR” 

da man de O Grupo de Acción Local do Sector Pesqueiro (GALP) A Mariña-Ortegal,

           A campaña escolar “Mares de Cultura, os Nenos e o Mar” é unha campaña escolar de sensibilización e divulgación dos valores e dos recursos do mar, presentada a través dun completo programa de actividades.

          O principal obxectivo é achegar ás novas xeracións, escolares de primaria e secundaria, ó entorno litoral de A Mariña-Ortegal, para descubrir in-situ a cultura mariñeira, os recursos naturais e as artes e tradicións pesqueiras relacionadas coa pesca artesanal.       

             Persegue ademáis, provocar na poboación escolar un cambio de perspectiva cara o respeto do medio mariño e uns hábitos de consumo responsable dos produtos do mar. O mesmo tempo, a través desta campaña, póñense en valor as actividades económicas do sector do mar dunha forma sustentable.

        Nesta quinta edición 2019, a campaña pretende ser un referente de divulgación, consolidándose como complemento educativo dentro do programa de actividades escolares dos centros participantes.

CACHARELA NO COLE

       Héctor ( exalumno do centro) e Rodrigo da Asociación de Gaitas Cacharela  amosaronnos  instrumentos tradicionais .

       Os nenos e nenas aprenderon unha morea de cousas sobre as cunchas, pandeireta, tamboril, bombo e a gaita.

      Rodrigo fíxolles unha descrición de cada instrumento e ao final deleitaronnos cunha peza de música tradicional acompañados polo noso alumno de 6º de primaria, Anxo.

cacharela2019

MAGOSTO- DÍA DO PEÓN

O día 11 celebramos o Magosto e máis o Día do peón.
A semana anterior realizamos obradoiros nos que os nosos alumnos prepararon, con material de refugallo, os recipientes para as castañas.
Como todos os anos, os nenos e nenas trouxeron unha presa de castañas  que nos asaron na panadería e Covas, agás unhas poucas que asou Leti nun bombo, de xeito tradicional.
Os alumnos e alumnas de 6º axudaron á hora de repartir e  pelar as castañas aos máis pequenos e, como non, exerceron de monitores nos xogos populares.Xogamos á corda, goma, chapas, zancos, rá, chave, peón, mariola, guiar o aro e pescamos castañas.
Tamén disfrutamos dunha exhibición de auténticos especialistas co peón e dunha exposición de peóns decorados.

magosto19

SEMANA STEM

     16 nenos e nenas de 5º de primaria participaron na semana STEM (CIENCIA, TECNOLOXÍA, INXENIERÍA E MATEMÁTICAS) que tivo lugar en  Os Peares (Ourense).

  

   A Semana STEM forma parte do conxunto de accións da Estratexia para a educación dixital (Edudixital 2020) da Xunta. "O obxectivo é fomentar o espírito científico e tecnolóxico entre o alumnado galego, coñecementos necesarios para dar resposta aos desafíos profesionais do futuro".

     Os alumnos/as aprenderon robótica, programación, ciencia, ecoloxía, efecto invernadoiro... disfrutaron  dun entorno fascinante  e viñeron cargados de experiencias vividas con compañeiros doutros colexios así como de novos amigos/as.

SAMAÍN- HALLOWEEN

samain19

    Celebramos o Samaín-Halloween cunha exposición de cabazas  decoradas polos  nenos e nenas do colexio.
    Estas cabazas serviron para iluminar os corredores e a entrada do colexio o día de Samaín-Halloween e crear un ambiente máis "tétrico".

   Preparamos unha " Habitación Terrorífica" donde tiñan que superar unha serie de probas de habilidade como: pasar polo túnel do terror, atopar cabazas, buscar bechos, poñer os nomes das partes do corpo ao esqueleto, bailar o baile de Halloween, preparar a pócema para desenfeitizar ao cole  e abrir o cofre do tesouro onde os esperaba... a cabeza de Daniel( o auxiliar de conversa).

halloween19

24 DE OUTUBRO: DÍA DA BIBLIOTECA

 Este ano tivemos unha actuación moi moi especial.

   Os nenos e nenas de 5 anos escenificaron a canción "UNHA VELLA TIÑA UN CAN" (Conto tradicional galego adaptado por Xosé Ramón Mariño Ferro).

     Á escea saíron unha morea de animais: porcos, burros, gatos, paxaros... e ata un lobo. E Por suposto non podía faltar unha avoa (neste caso dúas).

    Foi todo un espectáculo e o público pasouno de marabilla.

    Noraboa a estes pequenos actores e actrices!

 Ademais todos os nenos/as, profesorado e personal non docente foron agasallados cun marcapáxinas que levaba un debuxo referido ao proxecto deste curso "COIDAMOS DE NÓS E DO NOSO PLANETA DENDE A BIBLIOTECA".

 

DÍA DAS ESCRITORAS

O día das escritoras é unha conmemoración promovida pola Biblioteca Nacional de España xunto á  Federación Española de Mujeres Directivas, Ejecutivas, Profesionales y Empresarias (FEDEPE) e a Asociación Clásicas y Modernas. Desde 2016 búscase reivindicar o labor e o legado das autoras a través da historia a partir da lectura de fragmentos representativos das súas obras.

Esta celebración lévase a cabo o luns máis próximo á festividade de Teresa de Jesús, o 15 de outubro. A IV edición celébrase este ano 2019 o 14 de outubro baixo o lema “Mulleres, amor e liberdade”. O amor entendido desde a perspectiva das mulleres: “un territorio amplo, complexo, contradictorio, laberíntico, atravesado por luces e sombras, grandes paixóns, mais tamén as coitas”, como explica Clara Sanchís, comisaria desta convocatoria.

Desde as bibliotecas escolares propomos que se visibilice a obra das escritoras galegas, ben a través dunha exposición de libros, ben lendo fragmentos dos mesmos nunha maratón literaria ou mesmo nos clubs de lectura.

 
 
Begoña Caamaño: Morgana en Esmelle
"Na comunide druídica achou a nena a vida que desexaba […] destacou pola súa intelixencia e sagacidade e polo seu amor e dedicación ao estudo".

A Asesoría de Bibliotecas Escolares anima a que toda a comunidade educativa colabore na ampliación desta lista, e con este fin lánzase unha proposta en Twitter: lembrar a todas as escritoras galegas que traballen estas temáticas nas súas obras. Para iso usaranse os cancelos #DíadasEscritorasgalegas #DíadelasEscritoras e #bescolaresgal para darlles visibilidade.

 

RECOMPILACIÓN DE FRAGMENTOS DE ESCRITORAS GALEGAS

SEMANA POLO CLIMA

A Semana do 23 ao 27 de setembro celebramos a Semana polo Clima na que tratamos de concienciar á comunidade educativa sobre a urxencia de tomar medidas contra a emerxencia climática.


Os nenos e nenas do colexio puxeron o seu gran de area pidindo:
XUSTIZA CLIMÁTICA. 

STOP CONTAMINACIÓN!  

COIDEMOS O NOSO PLANETA! 

POR UN PLANETA SEN LIXO! 


O luns 23 gardamos un minuto de silencio polo clima, o martes todos vestimos unha camiseta verde, o mércores vimos videos sobre o tema, o xoves realizamos cartaces polo clima e para rematar o venres fixemos unha xuntanza para compartir os nosos traballos. E para rematar a celebración gravamos un novo programa de Radiocovas.

RADIOCOVAS

     O día 19 de xuño foi a presentación da nosa radio: RADIOCOVAS.

     Os nenos e nenas de 5º fixeron un programa, que se gravou en directo na biblioteca, ante un público formado por todo o alumnado e profesorado do colexio e que tiña como obxectivo a presentación oficial da emisora de radio.

     Foi un programa moi especial con entrevistas, presentacións, recitado de poemas, cancións... e algunha que outra sorpresa como o visionado dun video con tomas falsas das gravacións dos diferentes programas de radio.

     Montouse a emisora no medio da biblioteca con dúas mesas, mesa de mezclas, ordenador, micrófonos, auriculares, megafonía e un micrófono de pé para os "invitados ao programa".

Hugo de 6º deseñou o logo de RADIOCOVAS, Jonatan falou dos últimos días no cole dos nenos e nenas de 6º, Uxía Pena explicou en que consisten os Patios Dinámicos, falaron do proxecto LÓVA, María de 5 anos recitou o poema "Parece unha rosa" de Rosalía de Castro e todos xuntos cantamos "Catro vellos mariñeiros" canción emblemática do noso pobo, Viveiro.

radiocovas

RadioCovas (parte I) from bibliocovas on Vimeo.
RadioCovas (parte II) from Radio Covas on Vimeo.

ÓPERA: " UN CIRCO NAS NUBES" ( PROXECTO LÓVA)

LOVA

       O 14 de xuño, a compañía de ópera DIAMANTE dentro do proxecto LÓVA (La Ópera como Vehículo de Aprendizaje), estrenou a súa primeira obra "Un circo nas nubes".

      A estrea foi no teatro Pastor Díaz de Viveiro ante as familias , autoridades, profesorado invitado,compañeiros e alumnado doutros centros como Santa Rita de Galdo, Lois Tobío, Celeiro e Landro ademais do profesorado.

      Foi todo un espectáculo creado e feito íntegramente polos nenos e nenas de 4º de primaria. A ópera tiña como tema a felicidade e foi un completo éxito.

      Parabéns a toda a compañía!

Día de Arte Galega na Escola

     O día 1 de xuño celebramos o Día da Arte Galega na Escola, unha data moi especial na que homenaxeamos a Luis Seoane.

     Todos os anos traballamos sobre unha técnica e tema diferente relacionado co proxecto da biblioteca. Este curso o PDI titúlase DESCUBRINDO VIVEIRO e decidimos facer unha maqueta de Viveiro modelando os lugares e monumentos máis representativos do noso concello (Viveiro feito por nós)

      Traballou todo o alumnado distribuido en 18 grupos interclases ( en cada grupo había nenos/as dende 3 anos ata 6º) guiados por un/ha profesor/a. Os grupos empregaron arxila, pastilina, materiais diversos...

      A actividade realizouse dentro das dependencias do centro ante o risco de choiva.

Como podedes ver nas fotos o resultado é ... espectacular!

Día da arte galega 19-1

Día da arte galega 19-2

UN XANTAR DE VERSOS (MICRORREDE DA MARIÑA)

      A actividade deste ano do proxecto colaborativo entre as bibliotecas escolares que integran o PLAMBE (Plan de Mellora de Bibliotecas Escolares) levou por título A POESÍA QUE SENTIMOS.

     No noso colexio en concreto, a actividade titulábaseUN XANTAR DE VERSOS xa que a poesía sentímola co  gusto, saboreando os versos e invitámos ás familias a ese xantar con poemas.

     Pedimos a colaboración das familias para elaborar un prato con poemas sobre a comida, o gusto, a cociña... e un traballo plástico para ilustrar dito poema e sobre todo tratábase de implicar ás familias nas actividades do centro e traballar colaborando o pai/nai/avós/irmáns...

     Agradecemos os preciosos traballos aportados demostrando unha gran creatividade e imaxinación. MOITAS GRAZAS!!

 

     Os nosos traballos estiveron expostos no colexio e despois na exposición colectiva realizada en Viveiro.A inauguración foi o día 4 coa asistencia de autoridades, familias, mestres e sobre todo nenos e nenas.

      Contamos coa presencia de Antón Cortizas, poeta escritor, actuacións de grupos do Conservatorio de Música de Viveiro e recitado de poemas a cargo do alumnado da EEI San Roque.

     Durante os días da exposición realizarónse diferentes actividades dinamizadoras: teatro a cargo da Asociación de Axuda  ao Enfermo Mental da Mariña, poesía na Rúa ( poesías recitadas polos nenos e nenas dos centros educativos que foron difundidas pola megafonía nas rúas do casco de Viveiro).

Nas tendas e bares agasallaron con poesía escrita tamén polos nenos/as dos centros.

     A Asociación TÁ EN ARTES estivo pintando en directo na rúa.

     O día 6 foi a clausura cun concerto audiovisual a cargo de  David Catá e Juan Cabalar,  a presentación do libro "Esta non é outra historia de piratas" por María Rolle, a actuación do regueifeiro Cristian e a lectura do manifesto de Alba, alumnos de secundaria.

.