25/02/14
DÍA DE ROSALÍA
O luns 24 celebramos o Día de Rosalía. Nesta ocasión recitamos poemas que trataban sobre a alimentación, xa que é o tema monográfico deste curso (A que saben os libros?).
"Has de cantar que che hei de dar zonchos", "Vamos bebendo"... son algúns dos poemas que recitaron os nenos e nenas do colexio.
Tamén realizaron uns posters ilustrando as poesías desta gran autora.
Un gran traballo e un gran recital poético.
14/02/14
ROSEIRA DO TEU MENCER POR ALBA Mª
Este é o poemario que Xosé María Álvarez Blázquez adicou á súa filla Colorín.
Alba Mª de 6º curso de primaria e gran afecionada á poesía adaptou e ilustrou quedando un gran traballo.
Grazas Alba por compartilo con nós.
31/10/13
RECURSOS DA COORDINADORA GALEGA DE ENDL
Na páxina web da Coordinadora Galega de Equipos de Normalización e Dinamización Lingüística temos unha morea de recursos, materiais por temáticas e propostas para diferentes áreas e para traballar as competencias.
Para acceder a eles,preme na imaxe.
Para acceder a eles,preme na imaxe.
01/07/13
Publicación do xornal do centro " O CHARLATÁN DE COVAS"
Este é o noso xornal "O Charlatán de Covas" adicado á Roberto Vidal Bolaño.
No xornal traballan todos os nenos e nenas do colexio, todo o profesorado e a ANPA.
Grazas a tod@s
No xornal traballan todos os nenos e nenas do colexio, todo o profesorado e a ANPA.
Grazas a tod@s
24/06/13
TOD@S AO TEATRO
O último día de clase fumos todos os nenos e nenas ao teatro, pero no colexio.
Representamos as obras que ensaiamos durante o curso, recitamos poemas, tivemos títeres, bailamos e cantamos e ata fixemos unha película. Esta era a derradeira actividade sobre o teatro que traballamos este ano.
En infantil os nenos e nenas de 3 anos representaron a obra de Roberto Vidal Bolaño "Touporroutou da lúa e do sol".
Na clase de 4 anos cantaron "Compañeiro sei tocare".
En 5 anos puxeron en escena "A gaita e o pandeiro de Roberto Vidal Bolaño".
Os nenos e nenas de 1º de primaria fixeron unha película sobre unha obra de teatro "Todo é un conto".
Na clase de 2º de primaria recitaron poemas.
Os nenos e nenas de 3º de primaria fixeron teatro de títeres coa obra "Rata feroz".
En 4º de primaria representaron a obra "O sol, a lúa e o vento".
Os nenos e nenas de 5º de primaria fixeron a obra "The farm" en inglés.
En 6º de primaria a obra elexida foi "O casamento do piollo e a pulga".
Representamos as obras que ensaiamos durante o curso, recitamos poemas, tivemos títeres, bailamos e cantamos e ata fixemos unha película. Esta era a derradeira actividade sobre o teatro que traballamos este ano.
En infantil os nenos e nenas de 3 anos representaron a obra de Roberto Vidal Bolaño "Touporroutou da lúa e do sol".
Na clase de 4 anos cantaron "Compañeiro sei tocare".
En 5 anos puxeron en escena "A gaita e o pandeiro de Roberto Vidal Bolaño".
Os nenos e nenas de 1º de primaria fixeron unha película sobre unha obra de teatro "Todo é un conto".
Na clase de 2º de primaria recitaron poemas.
Os nenos e nenas de 3º de primaria fixeron teatro de títeres coa obra "Rata feroz".
En 4º de primaria representaron a obra "O sol, a lúa e o vento".
Os nenos e nenas de 5º de primaria fixeron a obra "The farm" en inglés.
En 6º de primaria a obra elexida foi "O casamento do piollo e a pulga".
19/06/13
BO VERÁN DENDE A CGENDL
O curso 2012-2013 chega á súa fin e, durante un ano máis, desde a CGENDL tratamos de seguir traballando para facer máis doado e eficaz o labor dos Equipos de Normalización Lingüística. Tentamos ofrecervos actividades en común como o Día da Ciencia en Galego ou #recitandocelsoemilio, que espallaron polo país adiante, co alento de milleiros de rapaces e rapazas, a crenza firme na utilidade do idioma e un berro colectivo de autoestima arredor do galego. Tamén botamos a andar as revistas Ollos de aula e A letra miúda para levar contidos de interese e reflexións útiles para o noso traballo ás familias e aos docentes. Voltamos compilar máis recursos para as aulas e tentamos facer oír a nosa voz ante a sociedade e a administración. Neste labor todos/as somos necesarios/as e a CGENDL, como proxecto colectivo que é, anímavos a colaborar e xuntar forzas para que os Equipos sigamos a demostrar, dende a profesionalidade, o compromiso asumido coa lingua e a formación do noso alumnado.
Aproveitamos a despedida para mandarvos un par de agasallos. O primeiro, unha proposta lectora conxunta da rapazada dos EDLG dos IES Pintor Colmeiro de Silleda e Chano Piñeiro de Forcarei, un tren de ida e volta que combina con orxinalidade o formato audiovisual cun abano literario para refrescármonos no verán coas lecturas.
E o segundo é un agasallo musical, outra peza do incansable mestre Paco Nogueiras Nodar. Porque vén o verán é un “cantaroke” para, como di o autor, darlle a benvida ao verán, despedir o curso con “curtas despedidas e optimismo, gañas de pisar festas e viaxar”.
Saúdos normalizadores e recibide os nosos mellores desexos para este verán.
Para descargar a revista Ollos de aula (todos os números):
Aproveitamos a despedida para mandarvos un par de agasallos. O primeiro, unha proposta lectora conxunta da rapazada dos EDLG dos IES Pintor Colmeiro de Silleda e Chano Piñeiro de Forcarei, un tren de ida e volta que combina con orxinalidade o formato audiovisual cun abano literario para refrescármonos no verán coas lecturas.
E o segundo é un agasallo musical, outra peza do incansable mestre Paco Nogueiras Nodar. Porque vén o verán é un “cantaroke” para, como di o autor, darlle a benvida ao verán, despedir o curso con “curtas despedidas e optimismo, gañas de pisar festas e viaxar”.
Saúdos normalizadores e recibide os nosos mellores desexos para este verán.
Para descargar a revista Ollos de aula (todos os números):
Páxina da CGENDL
Subscribirse a:
Publicacións (Atom)