O noso alumnado participou na votación organizada pola Real Academia Galega (RAG) para escoller a Palabra do Ano 2025. Os nenos e nenas debatiron e votaron entre as diferentes propostas ata decidir cal sería a palabra elixida polo grupo.
Esta actividade resultou unha moi boa oportunidade para reflexionar sobre o uso da lingua galega, o significado das palabras e a súa presenza na nosa vida cotiá.
Agora só queda estar atentos ao resultado final! Cal será a palabra do ano 2025?
.jpeg)
Onte realizouse a tradicional saída ao Belén de Viveiro, unha actividade moi especial que nos permitiu coñecer de preto as tradicións do Nadal e unha gran variedade de oficios tradicionais representados ao detalle!
Os nenos e nenas desfrutaron observando as escenas, descubrindo cómo se vivía antigamente e recoñecendo elementos da nosa cultura. Foi unha xornada moi enriquecedora tanto para o alumnado como para as mestras e mestres!
Xa queda pouco para o Nadal... felices festas!
.jpeg)
.jpeg)
.jpeg)
.jpeg)
.jpeg)
.jpeg)
Con motivo da conmemoración do 20N, Día universal da Infancia, a profe Rebe quixo dar voz ao alumnado para reflexionar sobre os seus dereitos. O alumnado de 3º e 6º de Primaria realizou un proxecto colaborativo no que expresan, a partir das súas creacións, a importancia de coidar e defender os dereitos dos nenos e nenas.
Aquí vos deixamos o seu traballo para que podades desfrutalo tanto coma nós! Noraboa equipo!
O pasado luns 10 de novembro, o noso cole encheuse de alegría e tradición coa celebración do Magosto. O alumnado puido gozar dunha degustación de castañas asadas, un auténtico manxar! Queremos agradecer especialmente á Panadaría de Covas pola súa colaboración para facer posible esta actividade.
Mentres o alumnado saboreaba as castañas, un grupo de músicos amenizou o ambiente, enchendo o patio de ritmo!
A xornada completouse cun baile grupal e xogos populares, nos que participaron tanto o alumnado de Infantil como de Primaria.
Foi unha mañá chea de música, risas e tradición galega, que nos recorda a importancia de manter vivas as nosas raíces e celebrar xuntos as nosas festas máis queridas...
.jpeg)
.jpeg)
.jpeg)
.jpeg)
.jpeg)
.jpeg)
Hoxe, 30 de outubro, festexamos no noso cole o Samaín despois de varios días de preparativos, decoracións e moita ilusión.
Os nenos e nenas bailaron no patio todos xuntos, nun momento cheo de música e diversión. Bruxas, monstros, lobos... movéronse que mete medo!
A continuación, chegou a hora de ler, un dos momentos máis especiais do día: escoitáronse as historias creadas co cole CEIP Santa Rita de Galdo, nas que os dous coles compartiron imaxinación para dar vida a historias de Samaín únicas.
Tamén desfrutamos cos videos do Contexto Lingüistico, onde escoitamos os conxuros do alumnado para converter ás mestras en lobos!
Para rematar, cada neno e nena contou a súa historia ou leu o libro ao resto da clase. Foi un día cheo de maxia, medo e creatividade. Bo Samaín!
.jpeg)
Este curso, o noso centro tivo a oportunidade de participar nun proxecto xunto co CEIP Santa Rita de Galdo, unha experiencia colaborativa e moi divertida!
A proposta consistiu en crear unha historia de Samaín conxunta en cada curso: un colexio comezaba unha historia de e o outro a remataba.
Finalmente, xuntamos todos os audios e podemos ver o resultado completo: unha combinación de suspense e moita diversión!
Foi unha experiencia moi enriquecedora que fomentou a creatividade, o traballo en equipo e a relación entre alumnado de distintos colexios, demostrando que a imaxinación non ten límites cando se comparte! Noraboa!
Este ano, no noso centro estamos a preparar a celebración do Samaín cunha temática moi especial: “Os malos dos contos”. Todo tipo de personaxes maléficos comezan a aparecer polos corredores do cole!
A galería xa se encheu de libros e imaxinación, converténdose nun auténtico túnel de historias misteriosas. Empregamos libros da nosa biblioteca para dar protagonismo aos contos e lembrar que tamén os malos teñen moito que ensinar. Por suposto, non podía faltar a nosa mascota, Lolo, que tamén se sumou á festa!
Ademais, engadimos fotos dos traballos do alumnado de Educación Infantil, que puxeron toda a súa creatividade e ilusión nestes preparativos.
Xa chega o Samaín ao Covasmola...
.jpeg)
.jpeg)
.jpeg)
.jpeg)
.jpeg)
Este curso o noso colexio foi seleccionado para formar parte do programa “Escolas Visuais”, unha iniciativa que escolle centros de educación infantil e primaria de toda España comprometidos coa creación dunha educación máis inclusiva a través do uso de ferramentas visuais.
O obxectivo principal do proxecto é facilitar a comprensión, a comunicación e a autonomía do alumnado. Mediante o uso de pictogramas, sinais e apoios visuais, pretendemos que o alumnado poida orientarse mellor polo centro, comprender as rutinas diarias e participar activamente na vida escolar.
Con este proxecto, avanzamos cara a unha escola máis accesible, acolledora e inclusiva, na que todos e todas teñan as mesmas oportunidades para aprender e comunicarse!
.jpeg)
O alumnado de 4º participou hoxe na actividade “Un mar de diversidade”, unha saída moi especial na que puideron coñecer de preto distintas capacidades e realidades persoais a través de xogos e actividades manipulativas.
O proxecto ten como obxectivo fomentar a empatía e o respecto polas diferenzas, enmarcando o concepto de diversidade na variedade de pesca e de persoas que existen na nosa contorna. Durante a xornada, os nenos e nenas experimentaron algunhas das dificultades ás que se enfrontan as persoas con discapacidade, reflexionando sobre a importancia de valorar e apoiar a diversidade en todas as súas formas.
Foi unha experiencia moi enriquecedora, que nos axudou a mirar o mundo con outros ollos e a comprender que a diferenza sempre suma!
.jpeg)
.jpeg)
O luns 13 de outubro, o alumnado de 3º e 4º de Primaria realizou unha saída á Gandaría "Alejandro Salvatierra", situada en A Pontenova. Durante a xornada, os nenos e nenas puideron coñecer de preto o traballo no campo, os coidados dos animais e a importancia do respecto polo medio rural.
Queremos agradecer á ANPA do Covasmola a súa implicación, grazas á cal puidemos gozar dunha xornada diferente e moi especial!
.jpeg)
.jpeg)
Hoxe tivemos a sorte de recibir no cole de Covas a Micromina co espectáculo "Peixe do Día". Todo o alumnado do centro puido desfrutar dunha representación chea de humor e aprendizaxe.
A través dos monicreques, abordouse a problemática dos residuos no mar e as consecuencias que teñen estas accións. Foi unha maneira divertida e diferente de concienciar aos nenos e nenas sobre o coidado do medio ambiente.
Unha experiencia que nos fixo rir e sobre todo reflexionar sobre a importancia de coidar o noso planeta! 💙💧
Para celebrar o último día do curso, fixemos a nosa IV Romaría Covasmola!!!!
Cada aula propuxo un xogo: circuito de mobilidade, escondite inglés, relevos, movemos o esqueleto, dachball, roubar o rabo, atrapa a bandeira e o pano. Todas as aulas ían pasando por todos os xogos.
E, despois de tanto xogar, chegou o momento de preparar a nosa parva: bocadillos de pavo, queixo, tomate e leituga e tamén brochetas de froitas variadas!
Pero antes disto, o día anterior, un grupo de alumnado foi facer a compra de todo o que precisábamos no comercio local!
Bo verán a tod@s e vémonos á volta!!!! 😎🌞
.jpeg)
.jpeg)
.jpeg)
.jpeg)
