MICROMINA TÍTERES

 Hoxe recibimos a maxia do teatro de monicreques feitos de xeito artesanal da man de Micromina títeres e a súa obra "Raio de Loubican".

Que ben o pasamos e descubrimos algún dos segredos do manexo dos monicreques!! 😉😉

REGUEIFAS CON "TEATRO DAS CORTES"

 Este martes, o alumnado de 5º e 6º de Primaria, fixemos un pequeno obradoiro no que aprendimos a crear regueifas con Teatro das Cortes.

Quedáronnos unhas regueifas ben xeitosas!!! 😍😍😍

AS HERBAS DE SAN XOÁN DE COVAS

Enmarcamos esta actividade dentro do noso PDI da Biblioteca "Florece Covasmola".

En Covas celebramos o San Xoán, por iso traballamos esta tradición recollendo as sete herbas de San Xoán entre todas as aulas: fiúncho, herba luísa, fento macho, romeu, xesta, herba de San Xoán e malva, deixámolas toda a noite a remollo con auga da fonte, custodiadas pola nosa Rosalía e o venres pola mañá lavamos a cara cumprindo coa tradición!

Cada aula fixo un mural para expoñer o vindeiro luns e explicar ao resto do alumnado todo o que aprenderon sobre cada herba.

Que vivan as nosas tradicións e que viva o San Xoán de Covas!!! 🔥🔥🔥

 

 

TELE COVASMOLA PROGRAMA 6: "ENTRE PATIOS, LIBROS E NIKITA"

Último programa deste curso onde o alumnado de 5º e 6º fala do patio, dos libros recomendados e fan unha entrevista a Nikita.

AQUÍ TAMÉN SE FALA GALEGO

Este curso, participamos na campaña "Aquí tamén se fala galego" para promover o uso do galego nos establecementos da contorna. O alumnado de segundo de Primaria tivo hoxe a misión de explicar esta campaña polas tendas da zona e poñer os adhesivos. Por suposto tamén os temos postos no noso cole!

Grazas a todos os establecementos participantes, non puidemos visitar máis por falta de tempo, pero continuaremos o curso que vén:

•  Obradoiro Tradicional Orixes.
•  Bodegas Ribeirao.
•  Froitería Calpita.
•  Estudio de fotografía Bylau.
•  Administración de Lotería La Paloma 2.
•  Libraría Lendas.
  
•  La Vivariense.
•  Froitería Eva.
•  Carnizaría Juan.
•  Mercería Silvia.
•  Libraría FP.
•  Frutas José.
  

 

 

PRIMEIROS AUXILIOS DA MAN DA "CRUZ ROJA"

Onte e hoxe, tivemos a sorte de contar con voluntarias da "Cruz Roja" que ensinaron a todo o alumnado de infantil e primaria a actuar ante unha emerxencia. Aprendemos un montón, fixemos prácticas e recibimos un diploma de "Socorristas por un día".

Grazas ás voluntarias da "Cruz Roja" pola súa paciencia e por ensinarnos a salvar vidas!!! 😍😍😍