Este mércores o alumnado de terceiro e cuarto foi visitar a nosa vila. Da man de Noela descubriron moitas curiosidades que descoñecían.

Grazas á nosa Anpa por facer posible esta actividade!!! 😍😍😍😍

 Este martes, o alumnado de 5º e 6º, xunto con compañeiros/as dos outros coles do Concello,  foi ao Teatro Pastor Díaz a ver "a Cincenta que non quería comer perdices", de Sarabela Teatro, promovida polo Concello de Viveiro dentro das actividades do 8 M para a igualdade de xénero e a prevención da violencia machista. 💜💜💜

ENTROIDO 2025: XARDÍN "FLORECE COVASMOLA"

Este curso, seguindo o noso PDI "Florece Covasmola", fixemos un xardín de Entroido: disfrazámonos de xardiñeir@s, soles, abellas, bolboretas, caraveis, margaridas e camelias. 🐝🌼🌞

As colaboradoras da biblioteca, prepararon unha presentación moi especial para traballar nas aulas:

XARDÍN FLORECE COVASMOLA

Tamén cantamos a nosa Alpuxarrada de Entroido 2025:

E, por suposto, degustamos os doces de Entroido. A choiva estragounos un pouquiño a celebración, pero non as ganas de festa!!!! 🎉🎊🎵🎶🎤

ASOCIACIÓN ENKI: MURAL LSE E BRAILLE

Este xoves recibimos a visita de voluntarios da asociación ENKI que, xunto co alumnado de 5º e 6º de primaria, pintaron un mural no patio co alfabeto dactilolóxico e traballaron o sistema Braille, co fin de achegar a todo o alumnado estas formas de comunicación.

DIA DE ROSALÍA DE CASTRO: 23 DE FEBREIRO

Para conmemorar o Día de Rosalía e o Día da Lingua Materna (21/02/2025), este venres e durante toda a semana, o alumnado do cole fixo varias actividades: 🌹🌹

- Coñeceron a vida e obra de Rosalía.

- Fixeron diferentes obras plásticas.

- Traballaron os seus poemas.

- Fixeron rosas onde escribiron versos do libro "Parece unha rosa" que levaron na solapa este venres.

- O alumnado de terceiro de primaria recitou "Parece unha rosa" que gravamos en vídeo e proxectamos o venres nas aulas.

13 DE FEBREIRO: DÍA MUNDIAL DA RADIO

 Para conmemorar o Día Mundial da Radio, desde Radiocovas fixeron un programa de noticias no contexto lingüístico, que publicaron tamén en PONTE NAS ONDAS!!! 📻📻📻

RADIOCOVAS

En infantil tamén conmemoraron este día facendo unhas cintas de cassette cun código QR onde escoitar unha versión moi especial da canción "What a wonderful world".