AS RECEITAS DE LOLO ( TRABALLO DA MICRORREDE DA MARIÑA)

 

        Durante  este curso seguimos traballando  no PDI:

 

      "Coidamos de nós e do noso planeta. Hábitos de vida saudable e sostible" 

 

 co obxectivo de fomentar no alumnado e en toda a comunidade educativa un estilo de vida saudable e o coidado do medio ambiente.

    Para o traballo da Microrrede foi Lolo, a mascota da biblioteca, o encargado de pedir a colaboración das familias do centro para elaborar o:

 

                                     LIBRO DE RECEITAS DE LOLO

 

    As familias tamén enviaron   vídeos curtos da elaboración  das mesmas.

 

PREME NA IMAXE DE LOLO PARA VER O VÍDEO 

 

PREME NA IMAXE E VERÁS O VÍDEO DO LIBRO DE RECEITAS

      

    Neste proxecto multidisciplinar implementamos actividades de coidado do corpo, a través da Educación física tanto no cole como na casa, e da alimentación ( sobre todo na  dos recreos). 

   O profesorado participou nun PFPP sobre "Hábitos saudables" recollendo moita información sobre a alimentación saudable, sostible,  a loita contra o cambio climático e o xeito de traballar para   implementala no centro.

    Na área de Educación Física traballouse no proxecto nacional 

"El camino de piEFcitos"

 

 

 

     un proxecto anual que co fin de acadar kilómetros simbólicos coa práctica de actividade física, da alimentación saudable, da lectura e do desenvolvemento sostible, o alumnado de 5º e 6º de primaria  percorrerá todas e cada unha das provincias nas que se divide a xeografía española incluíndo os arquipélagos e as dúas cidades autónomas que a completan.

 

    Para a conmemoración das Letra Galegas traballamos sobre as Festas gastronómicas de diferentes zonas de Galicia. Cada aula investigou sobre unha e o resultado foi así de apetitoso:

PREME NA IMAXE PARA VER O VIDEO

     En resumo, intentamos promover  o fomento dun estilo de vida saudable coa actividade física, a alimentación saudable e sostible  reducindo o impacto medioambiental.

 

UN XANTAR DE VERSOS (MICRORREDE DA MARIÑA)

      A actividade deste ano do proxecto colaborativo entre as bibliotecas escolares que integran o PLAMBE (Plan de Mellora de Bibliotecas Escolares) levou por título A POESÍA QUE SENTIMOS.

     No noso colexio en concreto, a actividade titulábaseUN XANTAR DE VERSOS xa que a poesía sentímola co  gusto, saboreando os versos e invitámos ás familias a ese xantar con poemas.

     Pedimos a colaboración das familias para elaborar un prato con poemas sobre a comida, o gusto, a cociña... e un traballo plástico para ilustrar dito poema e sobre todo tratábase de implicar ás familias nas actividades do centro e traballar colaborando o pai/nai/avós/irmáns...

     Agradecemos os preciosos traballos aportados demostrando unha gran creatividade e imaxinación. MOITAS GRAZAS!!

 

     Os nosos traballos estiveron expostos no colexio e despois na exposición colectiva realizada en Viveiro.A inauguración foi o día 4 coa asistencia de autoridades, familias, mestres e sobre todo nenos e nenas.

      Contamos coa presencia de Antón Cortizas, poeta escritor, actuacións de grupos do Conservatorio de Música de Viveiro e recitado de poemas a cargo do alumnado da EEI San Roque.

     Durante os días da exposición realizarónse diferentes actividades dinamizadoras: teatro a cargo da Asociación de Axuda  ao Enfermo Mental da Mariña, poesía na Rúa ( poesías recitadas polos nenos e nenas dos centros educativos que foron difundidas pola megafonía nas rúas do casco de Viveiro).

Nas tendas e bares agasallaron con poesía escrita tamén polos nenos/as dos centros.

     A Asociación TÁ EN ARTES estivo pintando en directo na rúa.

     O día 6 foi a clausura cun concerto audiovisual a cargo de  David Catá e Juan Cabalar,  a presentación do libro "Esta non é outra historia de piratas" por María Rolle, a actuación do regueifeiro Cristian e a lectura do manifesto de Alba, alumnos de secundaria.

.

NOVO PROXECTO DA MICRORREDE DA MARIÑA

Os centros educativos integrantes da  Microrrede da Mariña xa estamos a traballar no proxecto  deste curso "Os soños de Manuel María" para homenaxear a este intelectual da nosa provincia e  para fomentar o gusto pola lectura e o traballo coas familias.
Este ano as familias dos nenos e nenas do CEIP Plurilingüe de Covas escollerán unha palabra que lles guste ou teña un significado especial  e realizarán unha obra plástica a modo de ilustración dela.
Temos  o placer de contar este ano con tres novos centros na Microrrede: o CEIP de O Vicedo, o IES Perdouro de Burela e o IES Illa de Sarón de Xove polo que ... xa somos 12 centros educativos!

Podedes ver todos os proxectos da Microrrede no enlace: microrredeamarina.blogspot.com


As familias que o desexen poden pedir o material necesario no centro para realizar o traballo.
Tamén poden pedilo por correo electrónico a:
microrredemarina@gmail.com

  Carta Familias Os Soños de Manuel M.