A Coordinadora Galega de ENDL vén de poñer á disposición da comunidade educativa unha páxina web dedicada ao Nadal. Neste monográfico especial podedes atopar:
1.- Postais elaboradas polo alumnado
Este espazo acolle felicitacións feitas polo alumnado e permite que calquera usuario envíe algúns destes traballos para felicitar o Nadal e o Aninovo a través da rede. O prazo de recepción de postais continuará aberto ata o 17 de decembro (vid. instrucións no documento anexo). Así mesmo, contén modelos de cartas para enviar aos Reis Magos e ao Apalpador.
Enderezo:
http://www.coordinadoraendl.org/nadal2010/index.php
2.- Recursos para traballar nas aulas
Escolma de recursos sobre o Nadal elaborados por docentes, institucións e asociacións. Inclúe unidades didácticas, actividades en liña, manualidades, vilancicos, contos, o refraneiro, etc.
Enderezo:
http://www.coordinadoraendl.org/nadal2010/recursos/index.php
Agardamos que este proxecto vos sexa de axuda e pedímosvos a vosa colaboración para achegar novos recursos para compartir cos Equipos de Normalización e a comunidade educativa en xeral.
Saúdos normalizadores
BLOG DO EQUIPO DE DINAMIZACIÓN E NORMALIZACIÓN LINGÜÍSTICA DO CEIP PLURILINGÜE DE COVAS
10/12/10
12/11/10
MAGOSTO NO COLE
Hoxe pola mañá celebramos o Magosto no colexio. Os nenos e nenas trouxeron unha presa de castañas cada un e as nais da ANPA leváronas a asar á panadería e outras asáronse de maneira tradicional no colexio. Neste día tamén celebramos o Día do Peón e os de infantil colorearon peóns e os demais nenos e nenas decoraron os seus que quedaron moi bonitos. Despois do recreo houbo exhibicións de baile do peón por parte dalgúns nenos e nenas, incluso os de infantil tamén se atreveron a bailalos. Temos auténticos campións no cole.
Tamén decoramos espigas de millo e cabazas que están expostas na entrada do colexio.
Tamén decoramos espigas de millo e cabazas que están expostas na entrada do colexio.
Para rematar a festa comimos as castañas asadas e quentiñas que estaban ricas...ricas.
15/10/10
VISITOUNOS UN FERREIRO
O mércores 13 de outubro veu ata o colexio o ferreiro Telmo Cao para facer un obradoiro cos nenos e nenas do 2º e 3º Ciclo de Primaria. Con el aprenderon a facer puntas despois de quentar o ferro no lume e darlle golpes co martelo ata conseguir a forma desexada. Todos os nenos e nenas ficheron o seu traballo.
Esta actividade completouse cunha exposición de paneis traídos por Mariña Patrimonio sobre " A industria do ferro na Mariña".
27/03/10
23/02/10
ORGULLOS@S DO GALEGO
Máis información aquí
Campaña para transmitir o orgullo pola lingua propia.
A CGENDL vén de presentar publicamente esta semana Orgullosos/as do noso, Orgullosos/as do galego, unha campaña que pretende transmitir no seo da comunidade educativa, e no conxunto da sociedade, un sentimento de orgullo pola lingua propia como sentimento común de todos os galegos á marxe da orixe, a ideoloxía, o credo ou a idade de cadaquén. Dende a CGENDL consideramos que a lingua galega é un elemento de unión e un rico patrimonio de futuro que nos dota de identidade e nos conecta con millóns de persoas en todo o mundo. E esa é unha das mensaxes que, no momento en que estamos, cremos que hai lanzar á sociedade.
Na páxina da campaña (http://www.coordinadoraendl.org/orgullo) explícanse polo miúdo a iniciativa e as vías de participación nela. Para calquera consulta, non dubidedes en enviar os vosos correos a correo@coordinadoraendl.org.
Como se pode participar dende os centros escolares?
Envío de vídeos e textos “orgullosos”:
Ao igual que un grupo de personalidades da cultura galega expresan o seu orgullo e a utilidade do galego nos dous vídeos de lanzamento, animámosvos a gravar vídeos e redactar textos nos que se exprese ese orgullo de contarmos co galego. E animámosvos a enviárnolos para seren compartidos na web. Isto non é un concurso, isto é unha campaña colaborativa feita entre todos e todas, unha pequena gran obra colectiva, o importante é participar, traballar co alumnado e lanzar esa mensaxe orgullosa. A creatividade está na comunidade educativa e as dificultades técnicas están aí para lles facer fronte: cunha cámara, un móbil ou calquera dispositivo audiovisual podedes elaborar o voso traballo.
Difusión do material gráfico da campaña:
Na web ponse á disposición de todos os ENDL e do profesorado un material gráfico (camisetas, chapas, carteis, adhesivos, etc.) que se pode descargar de balde para a súa distribución. Igual que nos gustaría corresponder con agasallos e gratificar a participación aínda que fose humildemente, a CGENDL non posúe recursos de ningún tipo para editar e distribuír este material nos centros educativos. Isto depende de cada equipo mais emprazámosvos a poñervos en contacto con centros do voso contorno para editalo conxuntamente e reducir os custos, como xa se está facendo en diferentes puntos do país.
Así mesmo, pedímosvos a vosa xuda para difundir a campaña a través das webs e blogues dos centros e dos ENDL: dando conta da iniciativa, colgando os vídeos, convidando os contactos a coñecela (pódese enviar un correo dende a propia web), proxectando no colexio ou no instituto os vídeos, animando os compañeiros e o alumnado a sumarse á campaña nas redes sociais, etc.
Canle en Youtube: http://www.youtube.com/user/CGENDL
Canle en Vimeo: http://vimeo.com/coordinaendl
Grupo no Facebook: “Nós tamén estamos orgullos@s do galego”
Eventos no Tuenti: “Orgullos@s do Galego”
17/02/10
DESCUBRE GALICIA
Tod@s sabemos que para percorrer Galicia o millor é ir en coche, tren, bicicleta... pero se non podedes físicamente, por que non facelo virtualmente con esta páxina chamada descubregalicia?
Preme na imaxe e a viaxar !!
Preme na imaxe e a viaxar !!
11/02/10
07/02/10
Subscribirse a:
Publicacións (Atom)