LECTURA E FAMILIAS: XORNADAS ABN PARA EDUCACIÓN PRIMARIA

 Iniciamos "Lectura e familias" cun obradoiro de ABN para Primaria: foi todo un éxito!!!

ENTROIDO 2023

 Desfilamos cos nosos disfraces de "Botóns Covasmola" e cantamos a nosa Alpuxarrada no Parque Pernas Peón, acompañad@s polas familias do alumnado: 

DÍA DE ROSALÍA DE CASTRO

DÍA DE ROSALÍA DE CASTRO (23 FEBREIRO)

Hoxe conmemoramos o nacemento dunha das nosas escritoras máis importantes: Rosalía de Castro. Para achegar esta gran figura da literatura galega ao alumnado, fixemos varias actividades:

- 6º de infantil e 2º de Primaria elaboraron uns murais seguindo a proposta da Asociación de Escritores e Escritoras en Lingua Galega (AELG) que consistía en recortar imaxes dun xornal/revista e escribir palabras en galego para eses debuxos. Podían elexir imaxes que tiveran que ver coas emocións, sentimentos ou cousas que están a acontecer no mundo e son importantes para o alumnado. Despois elaboraron unha colaxe co rostro de Rosalía de Castro, as imaxes e as palabras. Quedaron así de bonitos e expostos na cristaleira do cole! 😍😍

Nas titorías tamén traballaron a figura de Rosalía, coñeceron a súa vida e obra e fixeron moitas actividades. 

O alumnado de 5º e 6º prepararon, no contexto lingüístico, o recitado dalgúns poemas de Rosalía de Castro:

PREPARANDO O ENTROIDO

 BOTÓNS COVASMOLA 🎈🎉🎊

Este curso, seguindo os valores propostos no noso PDI Covasmola 2.0, disfrazámonos de botóns, baseándonos no conto "Un puñado de botones" de Carmen Parets Luque, que fala da diversidade familiar:

Para elaborar os nosos disfraces, trouxemos telas, manteis, sabas ou retais vellos da casa, seguindo a nosa premisa de reutilizar, e organizámonos en talleres misturando alumnado de tódalas aulas, dende 4º de infantil ata 6º de primaria, así foi máis divertido!

Tamén decoramos o cole:

E na aula de música prepararon a nosa Alpuxarrada "Botóns Covasmola" que cantaremos o próximo venres no parque Pernas Peón despois do desfile! 👏🎤🎵🎶

O alumnado de 1º ciclo (1º e 2º de Primaria), traballaron no contexto lingüístico o entroido galego e algunhas das súas personaxes típicas:

Tamén gravaron no croma uns refráns típicos do entroido galego. Pero que artistas! 

DÍA INTERNACIONAL DO CANCRO INFANTIL

Colaboramos de novo coa Fundación Aladina e a campaña "Pañuelo Challenge". O alumnado e profesorado viñemos ao cole cun pano na cabeza en apoio aos nenos e nenas que padecen esta enfermidade e diseñaron o seu propio pano para levar á casa e facer partícipes ás familias para que fixeran unha donación e así colaborar na investigación desta enfermidade.