Que bo momento está vivindo a música e a cultura galega!!!
Nesta ocasión os EDLG dos CEIP Plurilingüe Anxo da Garda da Coruña, o CEIP Plurilingüe O Mosteirón de Sada e o CPI Cruz do Sar de Bergondo achégannos a canción Terra de Tanxugueiras en pictogramas para que todo o mundo poida acceder a ela.
Grazas!!!
Hoxe o alumnado de 1º e 2º curso de E.P., participaron nun obradoiro de narración oral, da man de Carmen Conde. A través do xogo, ensinou aos nenos e nenas a contar o que quixeron inventar. Traballaron así a expresión oral, o maxín, o discurso propio, a creación de mundos e algo fundamental: a escoita.
Canta imaxinación teñen os nosos alumnos/as!!!! 😍😍😍😍
O venres 29 de xaneiro, celebramos no cole o "Día da paz".
Dende o EDLG do centro, propuxemos a actividade: “Lazos pola paz”. Partindo da lectura do conto: “O lapis máxico de Malala”, escribimos mensaxes de paz en galego nuns lazos brancos e pedimos tamén a colaboración de toda a comunidade educativa para que escribiran os seus desexos de paz e colgalos despois todos na porta da entrada.
Dende a biblioteca do centro, propuxeron elaborar un arco da vella con froitas e verduras, partindo da lectura dos libros: “Elmer e o arco da vella” e “A mellor sopa do mundo”.
Grazas a toda a comunidade educativa por participar nesta actividade!!!!
A nosa biblio foi seleccionada para o programa "Lectura e familias". As lecturas en familia levaranse a cabo unha semana ao mes de martes a venres en horario de tarde, de catro a seis. Arrincamos este mes coas "Lectura para a Paz e a non violencia" Bravo por esas familias lectoras!!!
O último día do primeiro trimestre (21/12/2021), celebramos o noso Mercado de Nadal "Covasmola". Para iso, basámonos no noso PDI Covasmola no que traballamos a alimentación saudable, a sustentabilidade e a mobilidade.
Ao longo do mes de decembro, o alumnado foi gañando a moeda especial "Covasmola" seguindo os tres eixes do proxecto e podían mercar diferentes obxectos: libros do espurgo da biblio, marcapáxinas, pulseiras, lápices, tatoos, farois e chapas.
Pasámolo xenial!!!! 🎄😍😍😍
Tamén recibimos a visita dos Reis Magos e entregamos as nosas cartas.
