Despedimos o segundo trimestre cunha ruta pola contorna onde participou toda a comunidade educativa: alumnado, familias e mestr@s. Qué ben o pasamos!
.jpg)
07/04/26
04/03/26
DÍA DE ROSALÍA - 3º PRIMARIA
No marco da celebración do Día de Rosalía, presentamos o proxecto realizado polo alumnado de 3º de Educación Primaria.
Para levar a cabo este traballo, os nenos e nenas realizaron previamente unha pequena investigación sobre quen era Rosalía de Castro e cales son algunhas das súas obras máis importantes. A partir desta información, elaboraron diferentes producións nas que recolleron os datos máis relevantes e ilustraron as súas obras, achegándose así á figura da autora.
Ademais, tamén afondaron nun dos elementos máis simbólicos: o caldo de gloria, receita tradicional galega inspirada nun dos seus poemas.
Noraboa chic@s e profe por este traballazo!
02/03/26
Podcast intercentros: PETISCOS DE GALICIA
O proxecto Petiscos de Galicia deu comezo! Trátase dun podcast intercentros sobre a gastronomía galega no que participou o alumnado de 4º de Educación Primaria, investigando e traballando sobre receitas tradicionais de distintas zonas de Galicia.
No noso caso, decidimos escoller como receita da nosa contorna o pan dos Apóstolos, un doce tradicional moi ligado á Semana Santa de Viveiro. O alumnado investigou sobre a súa orixe, os ingredientes necesarios para a súa elaboración e a importancia desta receita dentro da nosa tradición gastronómica. A partir desta investigación, prepararon e gravaron o seu propio podcast en galego, compartindo todo o aprendido.
Este proxecto permitiunos traballar a expresión oral, a investigación e o coñecemento da nosa cultura e tradicións gastronómicas, ao mesmo tempo que colaboramos con outros centros educativos.
Moi pronto poderemos escoitar o resultado final deste podcast colaborativo, no que participan diferentes centros, e tamén coñecer a versión escrita das receitas nun libro conxunto creado entre todos os participantes do proxecto. Unha maneira moi saborosa de aprender e compartir cultura galega!
.jpeg)
.jpeg)
.jpeg)
.jpeg)
LIGAZÓN AO PODCAST: https://go.ivoox.com/rf/169330444
24/02/26
Día de Rosalía
Hoxe, 24 de febreiro, celebramos no noso centro o Día de Rosalía.
O produto final desta conmemoración é a exposición titulada Os fios de Rosalía, unha composición visual elaborada coas achegas dos distintos cursos de Educación Infantil e Primaria.
O alumnado de Educación Infantil encargouse de crear, de maneira creativa, as letras do nome de Rosalía de Castro, a bandeira de Galicia e unha selección das palabras máis empregadas pola autora.
Pola súa banda, o alumnado de Educación Primaria realizou pequenas investigacións en equipo sobre diferentes aspectos: quen foi Rosalía, Rosalía e os dereitos das mulleres, a importancia da escritora para a lingua galega, así como os temas máis tratados e as súas obras máis relevantes.
Ao longo do día de hoxe, por quendas, cada clase foi colocando a súa achega ata completar o produto final, que permanecerá exposto no centro durante todo o curso.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
23/02/26
Saída 2º ciclo
Hoxe luns 23 de febreiro, o alumnado de 3º e 4º de Educación Primaria realizou unha saída didáctica á Coruña, na que puido gozar dunha xornada moi completa e enriquecedora.
En primeiro lugar visitamos o Planetario, onde @s pequen@s visualizaron a película en galego Polaris, coa que aprenderon contidos relacionados cos planetas, as galaxias e o universo. A continuación asistimos a unha charla explicativa e tamén tivemos tempo para percorrer e desfrutar das distintas estancias do centro. Despois fixemos un pequeno picnic no parque de Santa Margarida, situado ao carón do planetario.
A mediodía desprazámonos á Domus, onde o alumnado explorou libremente as diferentes salas antes de almorzar no seu comedor. Finalmente, a xornada rematou cunha visita á exposición da Fundación MOP de Anne Leibovitz, na que puidemos gozar tanto da mostra como dun interesante obradoiro sobre fotografía e expresión.
Foi unha experiencia incríble!
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
14/02/26
ENTROIDO 2026
O venres 13 de febreiro viron a luz os nosos disfraces de Entroido no Covasmola, froito do traballo realizado nos distintos talleres multinivel. Este ano a temática xirou arredor dos Seres Covasmola, dando lugar a seis grupos moi creativos: mariñeiros, buzos, carangrexos, turistas, patos e anciáns.
Todos os disfraces foron elaborados empregando material de refugallo, sostible e reutilizado, apostando así polo coidado do medio, un dos nosos valores fundamentais.
O alumnado desfilou polo colexio e as familias puideron achegarse para gozar do desfile e do noso baile conxunto, compartindo un momento moi especial. Ademais, aproveitamos a xornada para degustar doces típicos de Entroido achegados polas familias.
Foi un día moi divertido no que gozamos dunha das nosas tradicións máis queridas! Viva o Entroido de Viveiro!
.jpeg)
.jpeg)
.jpeg)
.jpeg)
.jpeg){kind=link}
Subscribirse a:
Publicacións (Atom)