MOITO FROITEAMOS EN COVAS- BLOG SOBRE O PROXECTO ALIMÉNTA-T BEN

EN COVAS CREAMOS- BLOG DO PROXECTO "NÓS TAMÉN CREAMOS"

TRÍPTICO DE XOSÉ MARÍA DÍAZ CASTRO

Este é o tríptico sobre Xosé María Díaz Castro que entregamos ás familias para celebrar o Día das Letras Galegas.

Díaz Castro by misisroller

OLLOS DE AULA

Xa temos o nº 14 de "Ollos de aula", a revista que edita a CGENDL para as familias do alumnado. Este mes sobre a figura de Xosé María Díaz Castro.

DAQUELES CONTOS... A NOVOS FINAIS (EXPOSICIÓN NO CENTRO)

Estas son as fotos da exposición que temos no colexio dos traballos feitos polas familias para a actividade "Daqueles contos... a novos finais".
Dita actividade realízase conxuntamente coas bibliotecas dos centros educativos da zona da Mariña e ten como obxectivo fomentar o gusto e o hábito da lectura en familia.
Para a semana,  a exposición terá lugar no Concello de Viveiro onde poderemos ver  os traballos de todos os centros colaboradores.
Agradecemos a participación das familias do noso colexio pola gran orixinalidade e creatividade das súas obras.

daqueles contos... a novos finais - Movie Maker

LETRAS GALEGAS 2014

Debuxo feito por Emma de 5º de primaria

A CGENDL (Coordinadora Galega de Equipos de Normalización e Dinamización da Lingua) pon á disposición da comunidade escolar unha páxina monográfica que compila recursos e materiais sobre o autor homenaxeado no Día das Letras Galegas, nesta ocasión o poeta e tradutor Xosé María Díaz Castro.

 O colectivo Fabaloba vén de publicar o seu primeiro conto: O neno e a estrela, unha fermoso achegamento á figura do poeta Xosé María Díaz Castro dirixido aos lectores máis novos. O libro está editado por Fabaloba edicións, etiqueta que nace ao abeiro do proxecto cultural e educativo Fabaloba.
O propio protagonista desta historia é Díaz Castro cando neno. El é quen atopa unha estrela que caeu do ceo e foi dar a un pozo de auga da súa aldea de Guitiriz. O rapaz é o encargado de devolver a estrela ao seu lugar no universo. Nas poderosas ilustracións represéntase un mundo de lusco-fusco, anterior á existencia do sol. A obra xoga cos moitos dos eixos centrais do poemario Nimbos.
O libro, que está xa a venda en papel, edítase baixo unha licenza Creative Commons e a versión dixital xa se pode descargar de balde. Canda o libro, Fabaloba ten preparadas unha serie de propostas de dinamización baseadas nel (obradoiros de ilustración, escrita creativa e contos)
Podes descargar aquí  O neno e a estrela

  Materiais de uso didáctico: vídeos, audios e recursos diversos de utilidade para as aulas para esta conmemoración.

DÍA INTERNACIONAL DO LIBRO

O día 23 de abril celebramos o Día Mundial do libro e dos dereitos de autor cunha escenificación do conto musicado "OS TRES PORQUIÑOS" representado por catro mestras do centro.
Foi un espectáculo moi divertido no que os nenos e nenas estiveron moi atentos a todo o que pasaba na historia.
Tod@s o pasamos xenial.

os tres porquiños - Movie Maker

KAMISHIBAI FEITO POLOS NENOS E NENAS DE 5º DE PRIMARIA

Os nenos e nenas de 5º curso de Primaria adaptaron o conto "Non quero ser un polbo" e fixeron as ilustracións para contalo co Kamishibai. Un gran traballo!

Non quero ser un polbo

Publish at Calameo or read more publications.

SEMANA DA PRENSA- HERALDO DE VIVEIRO

semana da prensa-Heraldo de Vivero - Movie Maker

Comezamos a Semana da Prensa no colexio coa visita de Juan Carlos Neira, director do xornal "El Heraldo de Vivero", o único xornal que se publica no noso concello. Asistimos as clases de 2º e 3º ciclo. Juan Carlos contounos moitas cousas relativas ao proceso de elaboración dos xornais: o papel empregado, as máquinas, tipos de xornais, de noticias e seccións... Relatounos anécdotas e as noticias máis importantes que publicou no Heraldo que dirixe: a aterraxe na praia de Covas de dous avións, a saída do Titanic en 1912, o descubremento dos restos do naufraxio do bergantín Palomo e a fragata Magdalena... Tamén nos falou do papel tan importante dos xornalistas á hora de coñecer o que acontece no mundo e que todos nós somos un pouco xornalistas porque contamos aos demais as cousas que pasan.

semana prensa2 - Movie Maker

Durante a semana pasada conmemoramos a Semana da Prensa. Os nenos e nenas de Infantil limos os xornais e elaboramos unha noticia. Tamén en 3º elaboramos noticias despois de ler os xornais. Na clase de plástica reciclamos xornais vellos e fixemos cadros, perrucas, gorros... Tivemos expostos na biblioteca os xornais do centro "O Charlatán de Covas" , exemplares do xornal "Heraldo de Vivero" , xornais deportivos, suplementos...

DÍA DE ROSALÍA

O luns 24 celebramos o Día de Rosalía. Nesta ocasión recitamos poemas que trataban sobre a alimentación, xa que é o tema monográfico deste curso (A que saben os libros?). "Has de cantar que che hei de dar zonchos", "Vamos bebendo"... son algúns dos poemas que recitaron os nenos e nenas do colexio. Tamén realizaron uns posters ilustrando as poesías desta gran autora. Un gran traballo e un gran recital poético.

Día de Rosalía 2014 - Movie Maker

ROSEIRA DO TEU MENCER POR ALBA Mª

Este é o poemario que Xosé María Álvarez Blázquez adicou á súa filla Colorín. Alba Mª de 6º curso de primaria e gran afecionada á poesía adaptou e ilustrou quedando un gran traballo. Grazas Alba por compartilo con nós.

Roseira do teu mencer

Publish at Calameo or read more publications.